ناسا نے ایک نئے تجرباتی طیارے کا اعلان کیا ہے جس کے حوالے سے ادارہ پُرامید ہے کہ یہ اب تک کے تمام طیاروں سے منفرد انداز میں پرواز کرنے کی صلاحیت رکھے گا۔
امریکا کے خلائی تحقیقاتی ادارے کے مطابق X-70 Fractal نامی اس طیارے کا مقصد انسانی پائلٹ کے ساتھ پرواز کے دوران طیارے کی نقل و حرکت اور سمت بدلنے کی ایسی صلاحیتوں کا تجربہ کرنا ہے، جن کا مظاہرہ اس سے پہلے کبھی نہیں کیا گیا۔
ناسا کے منتظم جیرڈ آئزک مین کے مطابق یہ طیارہ پرواز کو کنٹرول کرنے کے جدید نظام اور دیگر جدید ٹیکنالوجیز کو حقیقی فضائی حالات میں آزمانے کا موقع بھی فراہم کرے گا۔
اس نئی فضائی ٹیکنالوجی کے علاوہ یہ طیارہ اندرونی اور بیرونی حصوں میں مجموعی طور پر 910 کلوگرام تک کے تجرباتی آلات اور تحقیقی سامان لے جانے کی صلاحیت رکھتا ہے۔ ناسا کا کہنا ہے کہ اس سے تحقیق کے نئے امکانات پیدا ہوں گے۔
