حکومت کا ایف بی آر کی ازسرنو تشکیل یا نیا ٹیکس ادارہ قائم کرنے پر غور

اسلام آباد:

حکومت قومی محاصل میں اضافے کے لیے نیا ٹیکس وصولی ادارہ قائم کرنے یا موجودہ مشینری کی مزید تنظیم نو کرنے پر غور کر رہی ہے، متعدد اصلاحاتی کوششوں کے باوجود فیڈرل بورڈ آف ریونیو کی کارکردگی تسلی بخش نہ ہونے کے باعث یہ متبادل زیر غور آیا ہے،سرکاری حکام کے مطابق گزشتہ ہفتے کے روز اعلیٰ سطح کے اجلاس میں پہلی مرتبہ مکمل طور پر نیا ادارہ قائم کرنے کا خیال پیش کیا گیا۔